見到最後有本筆記簿就打開黎睇，原來係老豆寫有關媽既病況記錄，有點像日記
睇番其實幾心痛，我亦對自己有好多疑問：
當時我究竟做緊咩，點解好似無緊貼住媽媽狀況，好多野都唔知，無記憶
無人同我解釋過，進度，情況，我自己印像中既野已經係比較後期
係因為我重讀緊書？因為個年會考佢地唔想影響我？
以前成日諗番起都會怪自己當年唔識諗，點解因為懶而無每日去探阿媽
睇住老豆本筆記我會覺得點解自己無出盡力關心阿媽
當時既軟弱 無信心 唔夠積極 揸唔定主意 痛苦 想放棄 想離開
其實我係咪可以幫到手呢？
愈大愈明白家人既關心同支持真係係好重要
本日記真係剛好寫到最後一頁 媽媽就離開咗
當時老豆寫記錄既心情係點既呢
但睇到個本日記，我知佢真係好愛阿媽，病人痛苦，其實身邊個個都會同樣辛苦
最痛苦既野都經歷過，其他野就好小事
雖然有時都會嬲老豆，覺得唔關心自己，唔中意佢透明度低
同埋我真係好想佢地知道我係非常咁愛佢地 著緊佢地
我諗最影響我心情既人唔係朋友，係家人睇完本日記我會有少少覺得唔可以咁易自我放棄
唔係因為契媽我都唔會揾番資料 亦唔會睇到本簿
好想記錄番今日
No comments:
Post a Comment